عمران خان "کرکٹ سے سیاست تک"

بالاآخر 22 سالہ جدو جہد آخر کام کر گئی اور پاکستان تحریک انصاف کے سربراہ عمران خان کے لیے وزیراعظم بننے کی راہ ہموار دکھائی دے رہی ہے لیکن ان کی کامیابیوں کے سفر کی ایک لمبی داستان بھی ہے۔
جمعرات کو اسلام آباد میں اپنی رہائش گاہ بنی گالہ میں خطاب کرتے ہوئے عمران خان نے مختلف سیاسی جماعتوں کی جانب سے انتخابات میں دھاندلی کے الزامات کے حوالے سے بات کرتے ہوئے کہا کہ 'کسی حلقے میں آپ کہتے ہیں کہ دھاندلی ہوئی ہے تو ہم آپ کی پوری مدد کریں گے اور جس حلقے کو کہیں گے اس کو کھولیں گے۔'
انہوں نے کہا کہ اللہ نے انہیں موقع فراہم کیا ہے وہ اپنے خواب کو پورا کر سکیں، پہلا مرحلہ مکمل ہوچکا ہے تاہم اب دوسرے مرحلے میں اپنے منشور پر عمل درآمد کریں گے۔
25  1952
عمران کی پیدائش 25 نومبر، 1952ء کو لاہور پاکستان میں ہوئی — فوٹو: اے ایف پی
وہ پشتونوں کے مشہور قبیلے نیازی سے تعلق رکھتے ہیں، لیکن ان کی والدہ شوکت خانم صاحبہ زیادہ ترمیانوالی میں سکونت پزیر رہیں، وہ اکرام اللہ خان نیازی کے اکلوتے بیٹے ہیں — فوٹو: اے ایف پی
1992
عمران خان نے کرکٹ کے جہاں میں بھی اپنا ایک اعلیٰ مقام بنایا ہے اور بین الاقوامی سطح پر اس وقت وہ سیاست کی بجائے کرکٹ کے حوالے سے زیادہ متعارف کرائے جاتے ہیں، انہی کی قیادت میں پاکستان نے 1992ء میں عالمی کرکٹ کپ جیتا تھا — فوٹو: ٹوئٹر
ریٹائرمنٹ کے بعد انہوں نے سماجی کاموں میں حصہ لینا شروع کیا، انہوں نے کینسر کے مریضوں کے لیے لاہور میں ایشیا کا سب سے بڑا شوکت خانم میموریل اسپتال ایک ٹرسٹ کے ذریعے قائم کیا، عمران خان پاکستانی عوام کو اس اسپتال کا بانی قرار دیتے ہیں — فوٹو: ٹوئٹر
1995                                         22  2004
1995ء میں عمران خان نے مرحوم برطانوی ارب پتی تاجر سر جیمز گولڈ اسمتھ کی بیٹی جمائما گولڈ اسمتھ سے شادی کی اس شادی کا شور پوری دنیا میں ہوا اور عالمی میڈیا نے اس کو خصوصی اہمیت دی بعد ازاں 22 جون، 2004ء کو انہوں نے طلاق کا اعلان کیا — فوٹو: اے پی
7 2013
انتخابات سے صرف چار دن قبل 7 مئی،2013ء کو ایک فورک لفٹ سے گرنے کے بعد عمران خان کو لاہور میں شوکت خانم ہسپتال لے جایا گیا، طبی معائنے کے بعد بتایا گیا کہ عمران خان بخیریت ہیں کوئی تشویش ناک بات نہیں — فوٹو: ٹوئٹر
8  2015                  30  2015
8 جنوری، 2015ء کو عمران خان برطانوی و پاکستانی صحافی ریحام خان کے ساتھ رشتہِ ازدواج میں بندھ گئے جبکہ 30 اکتوبر، 2015ء کو دونوں نے طلاق کی کارروائی شروع کرنے کی تصدیق کر دی — فوٹو: اے ایف پی
عمران خان سابق وزیر اعظم نواز شریف کے ساتھ موجود ہیں جو بعد میں سیاسی حریف بن گئے — فوٹو: اے پی
2017    2018
2017ء کے اواخر اور 2018ء کے آغاز میں کئی خبریں آئیں کہ عمران خان نے اپنی روحانی پیشوا بشریٰ مانیکا سے شادی کر لی ہے — فوٹو: اے ایف پی
25  1996
25 اپریل، 1996ء کو تحریک انصاف قائم کرکے سیاسی میدان میں قدم رکھا، ابتدائی طور پر انہیں کامیابی نہ مل سکی لیکن حالیہ دنوں میں وہ اپنی جدوجہد اور اصول پرستی کی بدولت پاکستانی عوام، خصوصاً نوجوانوں میں تیزی سے مقبولیت حاصل کر رہے ہیں — فوٹو: ٹوئٹر

Sign In or Register to comment.